Moun
Moun !
O moun !
Ka ki ka fè moun ?
Kisiswa koulè, kisiswa natiralité
Nonm, fanm
Piti kon gran
Nou tout sé moun
Péyi ka fè moun ?
Moun ka fè péyi ?
É !
Dimansyon a moun pa ni bout
Tan nou ka pasé asi latè
Sé vwayajé nou ka vwayajé adan
Moun !
Longè a chimen nou ja fè, ka fè jan nou avè nou
Jan nou avè lézòt sé silon longè a chimen nou ja fè toujou !
Moun !
O moun !
Ka ki ka fè moun ?
Ka ki pa’a fè moun ?
Mé moun pé pa dòt ki moun
Sé toujou longè a chimen nou ja fè, ka fè jan nou avè nou
Jan nou avè lézòt sé silon longè a chimen nou ja fè toujou !
Moun !
O moun !
O moun !
Syanséka
Ce texte a été écrit pour un Éclat de voix, proposé par Noledjiz Art, intitulé Des migrants noirs vendus aux enchères ? Indignons-nous !!!
Cet Éclat de voix a eu lieu le mercredi 20 décembre 2017 au centre Rémi Nainsouta à Pointe-à-Pitre (Guadeloupe) dans le cadre de la journée des solidarités humaines.
