Kon zétwal ki an syèl

Nou tout la pou briyé

É fè lèmonn vansé

Nou tout ni kapasité

Nou pa asi latè pou échwé

Nou ni wòl an nou pou jwé

Kité lèspri an nou yé,

Dékouvè, vwayajé

Pou lèmonn ay pi byen

A pa tou di palé

Gadé, kritiké obyen babyé

Sé touvé ka nou pé fè

La nou yé la

Pou pòté ti grenn-sab an nou

Pou tout biten pé pi byen

Mandé lé Zansèt

Fòs épi kouraj

Limyè épi guidance

Pou pé woulé byen

Pa pè

Pa douté

Nou tout

Nou chak

Ni on biten pou pòté

Nou pa la pou ayen

Lévé, bwè, manjé, fè chalè, dòmi, woulévé

Lavi pé pa anki sa

Sav nou ni valè

Davwa

Kon zétwal ki an syèl

Nou tout la pou briyé

(…)

Syanséka

Extrait du texte Kon zétwal ki an syèl paru dans An kè ! (2014)